Hvað viltu láta gera? Ætlunin er að gera varanlegan parkour völl sem myndi bæði nýtast til íþróttaiðkunnar og sem hreystistöð ásamt því að glæða hverfið auknu mannlífi Hvers vegna viltu láta gera það? Parkour er ört stækkandi íþrótt sem gengur út á að komast yfir hindranir án nokkurs aukabúnaðar. Helsta markmið íþróttarinnar er að öðlast fullkomna hreyfifærni og yfirstíga áskoranir, bæði líkamlegar og andlegar, í gegnum endurtekningu og fullkomnun. Íþróttin og félagskapurinn í kringum hana hefur lengi verið athvarf fyrir krakka sem finna sig ekki í öðrum íþróttum vegna þess hve opin íþróttin er og án áherslu á keppni. Hingað til hafa helstu æfingasvæði iðkenda verið veggir og handrið borgarinnar en í sumar var settur upp tímabundinn parkour völlur í Laugardalnum sem vakti mikla lukku bæði fyrir iðkendur og almenning. Í mörgum löndum þar sem íþróttin er orðinn fjölmenn hafa verið settir upp parkour-vellir og parkour-salir, svæði sem tileinkuð eru iðkunn íþróttarinnar. Þessi svæði hafa aukið mikið við mannlíf og styrkt íþróttina í þeim löndum. Markmiðið með að setja upp varanlegan parkour völl er að bjóða upp á frumlegan hreyfikost fyrir börn og fullorðina ásamt því að gera íþróttina sýnilegri. Þó að völlurinn yrði kjörinn aðstaða til að æfa parkour mætti líka nota hann til annarar hreyfingar eins og þrekæfinga.
Mjög mikilvægt, við hjá Ármanni erum með 130 iðkendur í parkour, aðstaðan inni er fimleikasalur en úti þök og handrið!! Völlurinn sem fór upp í sumar var mikið notaður, bæði af parkour krökkum sem og öðrum. Svo er svo frábært að geta stundað þessa íþrótt úti.
Parkour völlurinn sem fór upp í Laugardalnum í sumar var rosa vinsæll. Allt svona sem fær fólk til að hreyfa sig, það vil ég sjá meira af 😇
Parkour er íþrótt sem þjálfar líkamlega, andlega og félagslega færni, og er mikilvæg fyrir krakka sem finna sig betur í íþrótt þar sem ekki er áhersla á keppni. Hingað til hafa helstu æfingasvæði iðkenda verið veggir og handrið borgarinnar og því mjög mikilvægt að fá aðstöðu sem er sérstaklega gerð fyrir íþróttina. Enda var svæðið sem sett var upp í sumar, mikið notað ekki eingöngu af þeim krökkum sem stunda íþróttina. Svona svæði eflir því almenningsíþróttir.
Stuðlar að aukinni útiveru og sjálfstæðum leik eldri barna sem ekki fara lengur “á róló”. Frábær skemmtun og hreyfing - ört vaxandi íþrótt.
Parkour er feykilega vinsæl íþrótt sem er sjálfsagt að fái varanlega útiaðstöðu í Laugardalnum. Að auki myndi parkour völlur þjóna hlutverki n.k. leikvallar fyrir eldri börn - en á slíku er skortur í hverfinu okkar.
Frábær hugmynd sem gæti allveg átt samstöðu með grilskála ,Danspalli, og opnun laugalækjar
Þessi íþrótt hefur verið stunduð af miklum krafti á Íslandi síðan um 2006. Það eru komnir hjólabrettavellir, þreksvæði og meira að segja skólahreystivellir sem sjást víða. Nú er kominn tími til að leyfa þessari flottu jaðaríþrótt að skína með varanlegum æfingarstað. Við viljum Parkour Völl!
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Hugmyndin þín var metin tæk* af fagteymi sérfræðinga verkefnisins og er ein af þeim hugmyndum sem stillt verður upp á fundi íbúaráðs Laugardals á mánudaginn næstkomandi þann 26. apríl milli kl. 17-19 þar sem valdar verða 25 af þeim hugmyndum sem verða á kjörseðli hverfisins í kosningunni í haust. Hér er hlekkur á facebook event fundarins sem verður opinn og streymt beint: https://www.facebook.com/events/439145210721546/. Í einhverjum tilfellum hafa hugmyndir verið sameinaðar þar sem þær hafa verið taldar mjög áþekkar annarri/öðrum hugmyndum og í nokkrum tilfellum höfum við gert litlar breytingar á hugmyndum til þess að þær falli betur að reglum verkefnisins.* Fundir íbúaráðanna þar sem valið verður hvaða hugmyndir fara á kjörseðla hverfanna næsta haust verða formlegir aukafundir þar sem allir geta tekið þátt. Við viljum eindregið hvetja þig til þess að taka þátt í fundinum í þínu hverfi og vekja athygli á honum og hugmynd þinni eins og þú hefur tækifæri til. Dagsetningar allra fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson [email protected]
Kæri hugmyndahöfundur Þín hugmynd var valin á uppstillingarfundi til þess að vera á kjörseðli hverfisins í kosningunni í Hverfið mitt næsta haust. Uppstilling kjörseðila fyrir kosningarnar fór fram á fundum íbúaráða Reykjavíkurborgar frá 22. mars til 20. maí sl. og liggur nú niðurstaða fyrir í öllum hverfum. Nánari upplýsingar hér: https://reykjavik.is/uppstilling-kjorsedla-fyrir-hverfid-mitt. Í fyrsta skipti var öllum boðin þátttaka í þessum lið ferilsins, þ.e. að velja hugmyndir á kjörseðilinn að yfirferðar- og samráðsferli loknu. Þátttakan í uppstillingunni fór fram úr björtustu vonum og niðurstaðan er að margar frábærar hugmyndir verða á kjörseðlum allra hverfa Reykjavíkur í kosningunni í haust. Á www.hverfidmitt.is má sjá þær hugmyndir sem verða til kosninga í verkefninu Hverfið mitt þann 30. september - 14. október næstkomandi. Til þess að auka líkurnar á því að þín hugmynd verði kosin til framkvæmda sumarið 2022 getur þú kynnt hugmyndina fyrir nágrönnum þínum og hvatt þau til þess að taka þátt í kosningunni í haust. Við sendum þér póst og minnum þig á þegar að því kemur. F.h. Hverfið mitt Kær kveðja, Eiríkur Búi Halldórsson [email protected]
Kæri hugmyndahöfundur, kosningu í verkefninu Hverfið mitt lauk þann 14.október sl. niðurstöður kosninga má sjá á www.hverfidmitt.is, Alls voru 111 hugmyndir kosnar og munu þær koma til framkvæmda á árinu 2022. Þín hugmynd hlaut ekki kosningu að þessu sinni. Næsta haust hefst hugmyndasöfnun að nýju og gefst þá Reykvíkingum aftur tækifæri til þess að setja inn hugmyndir að verkefnum sem gera hverfi borgarinnar betri og skemmtilegri. Við þökkum þér kærlega fyrir þína þátttöku og viljum hvetja þig til þess að halda áfram að vera virkur þátttakandi í málefnum hverfisins. Ýmsar leiðir eru fyrir borgarbúa til þess að hafa áhrif á þróun borgarsamfélagsins og síns nærumhverfis. Íbúaráð Reykjavíkurborgar eru lifandi samstarfsvettvangur samráðs íbúa, félagasamtaka, atvinnulífs og borgaryfirvalda. Virk íbúaráð eru í öllum hverfum Reykjavíkur og funda þau í hverjum mánuði yfir vetrarmánuðina. Nánari upplýsingar er að finna hér: https://reykjavik.is/ibuarad. Einnig viljum við vekja athygli á því að ábendingavefurinn er alltaf opinn fyrir borgarbúa sem vilja láta vita af einhverju sem betur má fara í umhverfinu eða þarfnast lagfæringar: https://abendingar.reykjavik.is. Bestu kveðjur, Eiríkur Búi Halldórsson [email protected]
This content is created by the open source Your Priorities citizen engagement platform designed by the non profit Citizens Foundation