Uppákomur, markaðir og tónlist á Ingólfstorgi um helgar

Nýtum Ingólfstorgið betur!

Ég sá auglýsingu í Fbl. nýverið þar sem kom fram að jólamarkaðurinn sem verið hefur á Hjartatorgi síðustu tvö ár verður nú á Ingólfstorgi. Það er allavega góð byrjun! Spurning hvað verði um Hjartatorgið nú?

Góður punktur. Spurning hvort það sé opið fyrir almenning að leigja út plássið? Það mætti a.m.k. setja það á leigu fyrir áhugasama og hvetja til notkunar þess, t.d. með því að koma á framfæri hugmyndum sem þessum.

Það er góð byrjun. Svo kæmi ekki á óvart ef það kæmi e-ð annað í staðinn á Hjartatorgið, svo mikil hefur virkni þess verið síðan það varð til.

Gerum þetta sjálf. - Mér sýnist BetriReykjavík snúa að því að fá starfsmenn borgarinnar til að gera hluti. Það er spurning hvort einhverskonar kefi sé til fyrir almenna borgara að skipuleggja sig í kringum einhverjar hugmyndir.

Ekki á kostnað borgarbúa, þeir sem njóta borga

Að mínu viti er Ingólfstorg ekki mikið nýtt í dag fyrir utan hjólabrettanotkun og samverustað Sniglanna. Það á að geta haldist óbreytt. Möguleikarnir á þessu svæði eru samt margfalt meiri. Hægt að auðga viðskipti, mannlíf og íþróttalíf t.d. með viðburðum um helgar. Sem dæmi um mánaðarlega viðburði: bændamarkaður með ferskum vörum, tónleikahald fyrir ungar sem aldnar hljómsveitir, fótboltamót (líkt og var hérna um árið) / körfuboltamót, fiskmarkað...endilega komið með fleiri hugmyndir.